ഉത്തരം
15:40
എന്റെ എല്ലാ ചോദ്യങ്ങൾക്കും ഉത്തരമായിരുന്ന ഒരു വിശേഷപ്പെട്ട ചെടി, മുറ്റത്ത് ആരും കാണാതെ ഞാൻ നട്ടു നനച്ച് വളർത്തിയിരുന്നു. വളർന്നു വലുതായപ്പോൾ പാഴ്ചെടി ആണെന്നു പറഞ്ഞ് അമ്മ അത് വെട്ടിക്കളഞ്ഞു. എന്നിട്ടും അടുത്ത മഴക്കാലത്ത് ആ കുറ്റിയിൽ നിന്നു പുതുനാമ്പ് വന്നു തുടങ്ങി. അപ്പോൾ അച്ഛൻ ആ കുറ്റി തീയിട്ട് നശിപ്പിച്ചു. വേരുകൾ പിന്നേയും അവശേഷിക്കുന്നുണ്ടായിരുന്നു. അവ മുളപൊട്ടി തുടങ്ങിയപ്പോൾ ഏട്ടന്മാർ വന്നു ആ കിഴങ്ങു കിളച്ചെടുത്ത് അടുപ്പിലിട്ടു. ഒടുവിലെ നാമ്പും ഇല്ലാതെയായി.
എനിക്ക് മുമ്പിൽ വലിയൊരു ചോദ്യചിഹ്നം നിവർന്നു നിന്നു. അതിനെ തലകീഴാക്കിയ ഉത്തരത്തിൽ ബന്ധുക്കൾ എന്നെ തൂക്കിക്കൊന്നു!!
ഗുൽമോഹർ
10:59
ആരോ പിച്ചിച്ചീന്തി
എല്ലും മുള്ളും മാത്രം ബാക്കിയായി...
